Lanzamos unha nova edición do XeneraSon Rock! E este ano abrimos aínda máis o abano de posibilidades! Dá igual que a túa banda estea nunha academia ou non. O único requisito é que non teñades contrato cun selo discográfico.
Se queredes probar a vosa valía sobre o noso escenario, participade no XeneraSon Rock! O prazo para formalizar a vosa inscrición amplíase ata o 13 de xullo. As bases do certame están dispoñibles nesta ligazón e podedes acceder directamente á sección de inscricións aquí.
En colaboración coa Xunta de Galicia e Estrella Galicia, desde Go!Go!Zo! poñemos á vosa disposición un escenario de calidade e tapado, dotado dun equipo de son profesional e xestionado por persoal técnico de son e auxiliares. Non quedará nada á improvisación!
Deberedes interpretar cancións en galego, versións de grandes singles e composicións propias durante unha actuación de 20 minutos e un máximo de catro temas. O noso xurado, formado por tres profesionais pertencentes á industria musical, valorará as propostas, sendo o seu veredicto inapelable.
Semifinais: 15 de xullo
Final: pendente de data (participarán as 6 bandas que saian finalistas)
As dúas bandas gañadoras do XeneraSon Rock poderán gravar un EP nun estudo profesional e actuarán en dous recoñecidos festivais de Galicia.
