Xa non hai verán sen Go!Go!Zo! Nesta cuarta edición, o festival dará o salto e achegará ás novas promesas da música aos albergues das últimas etapas do Camiño Francés.
Picadiscos de diferentes estilos, actividades infantís, xornadas especiais para toda a familia, macroactuación e moito talento con selo galego encherá o recinto do Monte do Gozo. Peregrinos e veciñanza poderán gozar dun completa programación que se estenderá do 1 de xuño ao 14 de setembro. E todo isto é posible grazas ao apoio da Xunta de Galicia, Turismo de Galicia e de Estrella Galicia.
Velaquí che deixamos un resumo das principais propostas:
Go!Go!Zo! NO CAMIÑO
Go!Go!Zo! NO CAMIÑO
O festival amplía a súa área de influencia en xullo! Tres albergues do Camiño Francés encheranse de música coas actuacións de bandas noveis galegas. Alerta spoiler a peregrinos! As sesións terán lugar os tres primeiros xoves e cuarto martes de xullo en Sarria, Melide e Arzúa. Uns concertos que aportarán os folgos e enerxías necesarias para finalizar o percorrido a Compostela!
RITMOS NO CAMIÑO
RITMOS NO CAMIÑO
Retomamos esta sección do festival que os sábados de agosto e setembro homenaxeará ás nacionalidades das que proveñen maior número de peregrinos. Distintos picadiscos ofrecerán sesións específicas con ritmos propios de países como Estados Unidos, Italia, Alemaña ou Portugal.
II REVENIDAS MIÚDO
II REVENIDAS MIÚDO
Como quedaron gañas de máis, o Revenidas Miúdo regresará a Go!Go!Zo! a finais de xullo! A segunda edición desta cita ofrecerá diferentes escenarios con propostas musicais e de lecer para toda a familia!
+20 PICADISCOS
+20 PICADISCOS
Un dos sinais identitarios de Go!Go!Zo! son as sesións de picadiscos! O noso escenario acollerá a máis de 20 picadiscos durante estes catro meses. Reforzamos a presenza feminina e incorporamos novos nomes á listaxe. Descobre aos artistas que marcarán o ritmo do noso festival!
CATIVIDADES
CATIVIDADES
Outro dos clásicos no verán do Monte do Gozo son as propostas de lecer para nenas e nenos de 3 a 12 anos. Os mércores de xullo, agosto e principios de setembro estarán marcados polas tardes entre inchables e outras actividades dirixidas ás crianzas.
MACROACTUACIÓN
MACROACTUACIÓN
Levamos o pulo ao talento musical das academias galegas no ADN. Por iso, todos os anos pechamos o noso festival coa Macroactuación organizada por A Casa do Rock. Esta mesma escola ofrecerá os seus combos musicais tanto dentro como fóra do recinto do Monte do Gozo. Sesión vermú ou de tarde, calquera momento é ideal para escoitar boa música!
PROPOSTAS DEPORTIVAS
PROPOSTAS DEPORTIVAS
O deporte farase protagonista a fin de semana do 7 e 8 de setembro co Go!Go!Zo! Basket 3×3, que se desenvolverá en colaboración coa FEGABA. Contaremos co speaker do Obradoiro CAB, que fará as veces de condutor dunhas xornadas que combinarán deporte, música e outras sorpresas.
XORNADA SOLIDARIA
XORNADA SOLIDARIA
Go!Go!Zo! aposta nesta cuarta edición por Aldeas Infantiles SOS Galicia, cunha xornada solidaria na que se visibilizará o labor que desenvolven no seu centro de acollida en Redondela. Unha cita que terá lugar o domingo 15 de setembro.
