A peregrinación a Compostela é unha experiencia inesquecible de por si, pero… e se a enriqueces aínda máis cun concertazo a pé de albergue? Go!Go!Zo! no Camiño levará a alma do noso festival ás localidades de Sarria, Melide e Arzúa con actuacións de bandas noveis.
Queremos que a estancia nos albergues durante xullo sexa aínda máis especial. Neses intres en que o corpo che pide un pouco de desconexión, que mellor que boa música para alegrar a tarde?
Queres coñecer a ruta de Go!Go!Zo! no Camiño? Apunta estas datas!
4 de xullo: Albergue San Antón, Melide
11 de xullo: Albergue Caminantes, Arzúa
18 de xullo: Glamping & Camping Vila de Sarria
E velaquí as bandas que tocarán en cada recinto:
- Melide: Electrodoss e Shower Hell
- Arzúa: Q.D.L.
- Sarria: Rocke Experience e ParaZmol
Os concertos terán lugar entre as 19.00 e as 21.00 horas, ideal para recuperar folgos antes de ir durmir e continuar a ruta ao día seguinte con toda a enerxía!
O ritmo non para nin dentro nin fóra do recinto de Go!Go!Zo!
O ritmo non para nin dentro nin fóra do recinto de Go!Go!Zo!