A sección de Catividades ofrece diferentes tardes de lecer para nenas e nenos de entre 3 e 12 anos. A praza do recinto do Monte do Gozo acollerá no mes de agosto e a principios de setembro un hinchable acuático e outras actividades para que a cativada goce de xogos do máis refrescantes.
O programa de Catividades desenvolverase os mércores 5, 12, 19 e 26 de xullo, os mércores 2, 16 e 23 de agosto; o xoves 10 de agosto, ademais do xoves 7 de setembro. O horario de celebración das propostas de lecer é de 17.00 a 20.00 horas.
A entrada é de balde. Non se require inscrición previa. Só hai que achegarse o propio día polo recinto do festival. Á beira do escenario procederán á reserva –as prazas adxudícanse por orde de chegada-.
La Gramola Kids
Esta sección está desenvolvida por Gramola Kids (ou Gramokids), empresa especializada en actividades de lecer para peques da casa. Ademais de amenizar todo tipo de eventos con propostas en grao sumo variado, tamén organizan campamentos de verán e outros programas específicos de conciliación.
