Go!Go!Zo! aposta claramente polas novas promesas da música. Por iso, A Casa do Rock ofrecerá novamente os seus Combos, xunto coa Rockschool Coruña os días 23 e 24 de setembro. Xa o domingo 24 de setembro, organizará de novo a macroactuación de rock, xuntando no Monte do Gozo a preto de 500 músicos.

A Casa do Rock é unha empresa de formación e produción musical. Dispoñen dunha escola de música moderna especializada en música rock, un estudo de gravación, tenda de instrumentos musicais e selo discográfico, unha formación de profesores para concertos didácticos e organizan eventos musicais. Naceu co obxectivo de ofrecer unha formación de calidade e os servizos necesarios para axudar ós músicos afeccionados, a labrarse unha carreira no mundo da música. A súa filosofía principal é que se pode aprender sen deixar de disfrutar da música.

Pola súa banda, as clases de Combo favorecen a aprendizaxe directamente relacionada co traballo do músico en contextos grupais. Ademais dos coñecementos técnicos de base, anímase ao alumnado para actuar como acompañante ou solista, favorecendo a interacción con outros músicos e a comprensión global do instrumento e da música.